الرضا الواعى

🌀🌀 احيانا تلاقي فيلم حلو بتحبه شغال في التلفزيون وتقول لنفسك طيب أقلب  في القنوات يمكن يكون في فيلم احلى في قناه تانيه

🌀🌀 ولما بتيجى تركن عربيتك وبعد ماتلاقي مكان ركنه بصعوبه أيضا تقول طيب ألف يمكن الاقي ركنه اقرب واحسن

🌀🌀 ولما تحب واحده وهى بتحبك وأول ماهى تطلب منك انك تكون معاها عالطول .تقوم انت تتردد وتقول لنفسك انا ليه اربط نفسي  استنى يمكن اقابل واحده اجمل
وهكذا ...بتفضل تستنى الاجمل والاحلى والاحسن
مع ان اللى معاك احلى واجمل بس الفكره اللى هاتوصلك متأخر انك يوم ما هاتاخد بالك من دا هاتلاقي الفيلم الأولانى خلص والركنه حد غيرك أخدها والشخص اللى بيحبك عاش حياته وتخطاك وخلاص مش محتاج لك

🔥 في ناس عمرها ما هاترضى باللى في ايديها ولا تحس بقيمته الا بعد ما يضيع منها
هاتعيش طول عمرك تدور عن الاجمل وتهمل اللى معاك لحد ما تكتشف إن عمرك ضاع ولا اخدت الاجمل ولا حتى إستمتعت باللي كان في ايدك
نعمه الرضا من احسن النعم ،،،

نحن لا ندرك الأشياء الا بعد لحظه فنائها ،،،

نشعر بقيمه صحتنا حينما نخسرها ،،،
ونشعر بالحبيب حينما نفقده ،،،،
نشعر بقيمه ثروتنا حينما تفر من يدينا ،،
فإذا دام الشئ في يدينا وتعودنا عليه فأننا نفقد الاحساس بمتعته و بأهميته
إلا من كان لديه الوعى و النضج الإيمانى الكافى للإحساس بقيمه الأشياء  ولذتها قبل فنائها حتى لو تعود عليها

( وهؤلاء هم  الفائزون )
#نفحات_الوعى
#منى_الغضبان