طاسه الخضه لعلاج الخوف وطرد الأرواح الشريره

 مورثات شعبيه 

كنت في سنه سادسه ابتدائى وماما حملت بالغلط مع انها بتاخد وسائل منع الحمل لأن كنا خمس بنات وطلبت من بابا تنزل البيبى وهو رفض وفضلت يوميا تستناه لما ينزل يروح الشغل وتفضل تنط من على السرير علشان البيبى يقع منها المهم مفيش فايده والحمل استمر وهى فضلت كارهه الحمل ومش مهتمه بنفسها ولا مهتمه تتابع مع دكتور ولا حتى عارفه ميعاد ولادتها 


وفي يوم بابا كان مسافر عنده شغل في محافظه تانيه و انا تعبت ومرحتش المدرسه مع اخواتى في اليوم ده وفجأه لقيتها بتصرخ وتقولى الحقينى يظهر انى بولد فقلت لها اعمل ايه قالت لى روحى خبطي على الجيران يلحقونى 😱


😨 طبعا انا لقيت نفسي بترعش مش قادره امشي خطوتين على بعض لان في اليوم اللى قبله ماتت جارتنا ام حماده اللى فوق وهى بتولد فحاسيت ان ماما كمان هاتكون زيها ورحت زى المجنونه اخبط هنا وهناك ولا في أى حد فتح لى لان للأسف كنا ساكنين في عماره كلها موظفين في جبل عتاقة بمحافظه السويس وكله كان في الشغل وكنت بس اسمع صوت اطفال من ورا الباب يقولو ماما وبابا في الشغل 😥🤔😰


نزلت الشارع والمنطقه بتاعتنا مقطوعه ومفيش ناس كتير لان السويس بعد الحرب مكنش فيها سكان المهم لقيت واحده ماشيه قلت لها ماما بتولد واحنا لوحدنا وكنت بعيط ومخضوضه 
( ملحوظه )ماما وبابا مش من السويس وكنا هناك علشان شغل بابا يعنى ملناش اهل هناك ولا نعرف حد فيها 
رديت قالت لى متخافيش اطلعى انتى وانا هاروح اجيب حد يولدها 


طلعت وقلت لنفسي احنا في جبل هاتجيب منين حد وقعدت اعيط ورحت لماما لقيتها بتصوت وتوصينى على اخواتى على اساس انها خلاص بتموت زى جارتنا اللى فوق 

فقلت لها متخافيش هاتعيشي وقامت قالت لى الحقينى يامنى شدى قلت لها اشد ايه ؟؟  قالت لى اعملى اللى هاقولك عليه انا بموت فخفت اكتر وبقيت انفذ كلامها بالحرف لحد ما لقيت بين ايدى كائن غريب لأن كلنا بنات واول مره كنت اشوف ولد ذكر فاتخضيت وأغمى على 


ولما فقت لقيت الست اللى قابلتها في الشارع جابت واحده ووصلت على اخر لحظه وكانت ماما حالتها خطره لأن اتأخرت في قطع الحبل السرى وانا بفوق سمعتهم بيقولوا الخلاص راح جوا هاتعمل ايه لازم اسعاف وحاله ارباك ولخبطه جامده


المهم اليوم ده عدى وبابا رجع من السفر والجيران رجعوا من شغلهم والبيت بقي مليان ناس وكل ما حد يعرف انى ولدت ماما يقولوما شاء الله هاتطلع دكتوره نسا,وتوليد

 
😳و قعدت فتره مش عارفه انام وكل ما اغمض عينى اشوف مشهد البيبي وهو نازل بشكله الغريب ووشي اتحول للون الأصفر وبدء وزنى ينزل كتير وانا لى اخت تؤام وكنا نفس الجسم لكن هى بلغت وطولت وانا لأ ودونى لدكاتره كتير ومش عارفين في ايه 😢


💢 جدتى قالت لازم نعملها طاسه الخضه وفعلا عملتها تلات ايام ورا بعض وبقيت كويسه ووشي نور وتخنت وإحلويت والكوابيس اختفت وبقيت بنام بعمق وكبرت وبلغت بعدها بيوم ومش فاهمه ازاى الدكاتره معرفوش يحلو مشكلتى وجدتى قدرت تعالجنى





💢 المهم لما درست علوم الطاقه عملت بحث عنها ولقيتها موجوده في كل البلاد وليها عدد كبير جداً مؤمن بيها ففهمت ليه بتجيب نتيجه طبعاً زى ما انتو عارفين قصه الوعى الجمعى وهى ليها اكثر من أسم حسب بلدها 


▪️ أسماؤها عند المتحدثين بالعربية تبعاً للأماكن الجغرافية :-


- طاسة الرعبة في بلاد الشام.

- طاسة الروعة في بادية الشام.

- طاسة الخضَّة في مصر.

- طاسة السُّم في شمالي الجزيرة العربية.

- طاسه الخلاص في الكويت والعراق.

- طاسه المحو في تركيا 

- الطاسه السحريه في باقي البلدان 

🍜 و هي عباره عن وعاء معدني صغير نُقِشَ بداخله دائرياً نصوص قرآنية أشهرها آية الكرسي والمعوذتان وبعض الزخرفات كالنباتات والأشكال الأخرى تُصنع من النحاس .تستخدم لعلاج الخوف والهلع والفزع والعقم احياناً وطرد الجن من الجسم 



🏵 طريقه استخدامها :-


1️⃣ - ملئ الطاسه بالماء العادى ويفضل ماء زمزم وقديما كانو الحجاج يشتروها من مكه والمدينه كهدايا تذكاريا مع ماء زمزم ومازالت تباع هناك 

ثم تضع أصبعك اليمين داخل الماء وتقرأ ايه الكرسي والمعوذتين وماتيسر لك من القرأن والأذكار بشرط انك تلف صبعك مع عقارب الساعه اثناء القراءه وممكن بدل الماء لبن 


2️⃣ - يوضع ثلاثه او خمس أو سبع حبات تمر بدون نواه يعنى نفتح التمر ونطلع النوا 


3️⃣ - توضع تحت القمر ويفضل ايام اكتماله وقت صلاه المغرب ولازم نتركها تسمع اذان المغرب وأذان العشاء واذان الفجر ولازم ينزل عليها الندى ولو طلع عليها شمس تفسد فلازم نشيلها بعد الفجر مباشراً


4️⃣ - نشرب جزء من الماء على الريق بنيه الشفاء والباقي نغسل بيه وشنا ونأكل التمرات وندخل ننام ونخلى النوا تحت المخده 


5️⃣ - نكرر عمل ذلك يومين كمان يعنى لازم تلات ايام ورا بعض وبعد الانتهاء نجمع النوا ونرميه في البحر


💠 وببركه ملامسه الماء لهذه الآيات القرأنيه مع طاقه القمر مع طاقه النحاس  مع الثلاث أذانات مع التمر له مفعول بالفعل 




🔰 بالنسبه لشكل الطاسه مختلفه في كل دوله عن اخرى جميعهم عباره عن وعاء مستدير قطره حوالى 15 سم منقوش به اسماء الله الحسنى وأيات قرأنيه وأدعيه شفاء ولكن بمصر الشكل مختلف حيث بداخل هذا الوعاء يوجد بروز به حوالى 19 مفتاح صغير يطلق عليهم مفاتيح الفرج من الهموم 

بتتباع في خان الخليلي وشارع المعز و محل "أحمد فاروق" للأنتيكات النحاسية بحارة اليهود، وسعرها حوالى 90 جنيه




 في المغرب العربي الطاسة تزخرف احيانا برسوم وعبارات يتعذر قراءتها وآيات قرآنية، مع حروف وارقام وفي وسط الطاسة شكل أسطواني يتدلى منه قوائم نحاسية صغيرة يبلغ عددها أربعين قطعة معدنية وإذا فقدت واحدة منها زال نفعها كما تدل الاعتقادات الشعبية،



أطراف تلك الطاسات مزينة بأقراط وأجراس ومفاتيح صغيرة جداً وخفيفة تتدلى منها ، وهي حسب وصف البعض مفاتيح الفرج من الهموم ، أما الأجراس فغرضها إزعاج الأرواح الشريرة وطردها من جسم المريض .لأن معروف عن النحاس ان الجن لا يحبه كما ذكر في القرأن الكريم

معدن النحاس 

تم استخدامه من قبل سيدنا سليمان عليه السلام

كما في الآية..

(وَلِسُلَيْمَانَ الرِّيحَ غُدُوُّهَا شَهْرٌ وَرَوَاحُهَا شَهْرٌ وَأَسَلْنَا لَهُ عَيْنَ الْقِطْرِ)

فالنحاس هو (عين القطر).

كما أستخدم النحاس من قبل ذو القرنين .. في حماية أهل القرية من خطر يأجوج ومأجوج

(قَالَ آَتُونِي أُفْرِغْ عَلَيْهِ قِطْرًا )

فالنحاس يستخدم دائما في الحماية

وهذا رابط به شرح مفصل لكيفيه الحمايه بالنحاس ضد الجن والدجال والشياطين إضغط هنا 












نرشح لك المقال التالي

فهرس كتاب تناسخ الأرواح بين الوهم والحقيقه

فهرس كتابى تناسخ الارواح  بين الوهم والحقيقه هل قابلت شخص من قبل وشعرت انك تعرفه  ؟  هل مررت بموقف وشعرت انك عشته من قبل ؟ البعض يفسر ان ذلك...

الاسم

اتجاه السرير,3,اسئله متكرره وإجابتها,7,استر هيكس,3,أسرار الوعى,1,الازدهار,1,الامتنان,5,الباراسيكولجى,13,البندول الطاقي,2,البندولات,2,التاروت,7,التأمل وانواعه,9,التقمص,5,التمارين التخيلية,7,التواصل مع الملائكه,28,التوافق الذبذبي,1,الحب وتؤام الروح,22,الخشوع,1,الدفاع النفسي والطاقي,13,الديتوكس,3,الرسائل الكونيه,1,السرنديب,7,الشاكرات,21,الشفاء الذاتى,27,الطاقه الحيويه,31,العقل الباطن,2,العلاج بخط الزمن,1,الفلك,1,القوانين الكونية,10,الكارما,3,الكود الطاقى 2020,1,المودرا,8,إنقطاع الإنترنت,1,برمجه لغويه عصبيه NLP,10,تأمل لمغادره كورونا,1,ترانسيرفنج,2,ترانسيرفينج 78 يوم,51,ترددات السولفيجيو,1,تطوير الذات,115,تقنيات التحرر من المعتقدات والأفكار السلبيه,21,تمارين الوفره,3,تمارين قانون الجذب,24,تناسخ الأرواح,7,تنبؤات العام الجديد,4,توقعات الابراج,4,توقعات عام 2020,2,توقعات عام 2021,13,توقعات عام 2022,14,توقعات عام 2023,1,توكيدات,1,توكيدات الشعر,3,توكيدات لجذب المال,1,جذب العلاقات,27,جذب المال,1,جلسه تأمل,2,ديباك شوبرا,32,رسائل الأمراض لنا,15,رسائل الملائكه,2,زرع الاهداف على خط الزمن,1,سبليمنال,2,شفاء الطفل الداخلى,1,صناعه الواقع الذهبي,15,طاقة 2020,1,طاقة الحضور,1,طاقة العام الجديد,8,طاقة الفرح,1,طاقة المكان,14,طاقه 2021,12,طاقه أسماء الله الحسنى,11,طاقه الاستغفار,10,طاقه الأنوثه,2,طاقه العبادات,52,طاقه القمر,4,طاقه المال,2,طاقه الوفره,3,علم الأرقام,45,علم البندول,1,علم التخاطر,4,غرفه النوم,1,فائض الاحتمال,1,فاديم زيلاند,58,فريدريك داودسون,2,فضاء الاحتمالات,1,فلاديمير جيكارنتسف,7,فونج شوى,2,فيروس كورونا,1,قانون الجذب,58,قراءه الفنجان,2,قطع الحبل الطاقى,2,قوانين العقل الباطن,18,كارما الأجداد,1,لعنه الفراعنه,1,نادي حب الذات,14,نفحات الوعى,35,
rtl
item
منى الغضبان: طاسه الخضه لعلاج الخوف وطرد الأرواح الشريره
طاسه الخضه لعلاج الخوف وطرد الأرواح الشريره
طاسه الخضه
https://blogger.googleusercontent.com/img/b/R29vZ2xl/AVvXsEgjO_YyPcU664dXDpMyRwpSHXnmScoBd23GMGLXOoax01cPdeZBtS5aro9tVjm4Xy1smnye_632E7-_BWu9VwTWIsfULCwMWodVNkvsLeisnb6c6rviBSbPuh4EJSna0h61izxcol7FU7s/s320/119917588_357594355614308_4881999772965008330_n.jpg
https://blogger.googleusercontent.com/img/b/R29vZ2xl/AVvXsEgjO_YyPcU664dXDpMyRwpSHXnmScoBd23GMGLXOoax01cPdeZBtS5aro9tVjm4Xy1smnye_632E7-_BWu9VwTWIsfULCwMWodVNkvsLeisnb6c6rviBSbPuh4EJSna0h61izxcol7FU7s/s72-c/119917588_357594355614308_4881999772965008330_n.jpg
منى الغضبان
https://www.mona-elghadban.com/2020/09/blog-post_17.html
https://www.mona-elghadban.com/
https://www.mona-elghadban.com/
https://www.mona-elghadban.com/2020/09/blog-post_17.html
true
3642768768262030271
UTF-8
Loaded All Posts Not found any posts مشاهدة الجميع قراءة المزيد Reply Cancel reply Delete By الرئيسية الصفحات الموضوعات مشاهدة اكثر موضوعات مشابهة LABEL ARCHIVE بحث الموضوعات كاملة Not found any post match with your request الرجوع للرئيسية Sunday Monday Tuesday Wednesday Thursday Friday Saturday Sun Mon Tue Wed Thu Fri Sat January February March April May June July August September October November December Jan Feb Mar Apr May Jun Jul Aug Sep Oct Nov Dec just now 1 minute ago $$1$$ minutes ago 1 hour ago $$1$$ hours ago Yesterday $$1$$ days ago $$1$$ weeks ago more than 5 weeks ago Followers Follow THIS CONTENT IS PREMIUM Please share to unlock Copy All Code Select All Code All codes were copied to your clipboard Can not copy the codes / texts, please press [CTRL]+[C] (or CMD+C with Mac) to copy